اعتقد أنكم أخذتم انطباع عني بأني أسـوأ شخص يدير مدونة , وربما يكون من بينكم من قطع الأمل بأن يجعلني من ضمن المرشحين لإدارة موقعه / منتداه < مُتأمل الأخو

اعتذر منكم جميعاً لإنقطاعي القسري , عن المدونة و حتى المنتديات صار تفاعلي معها بارداً , و السبب هو سفري في يوم الأربعاء الماضي ( آخر يوم بالدراسة ) إلى ينبع  , وهناك سبب آخر هو حالتي النفسية السيئة التي استمرت ل عدة أيام و أحمد الله كثيراً أنها مرت بخير ( حتى الآن ) !

عموماً لن ازعجكم بنفسي وبهمومي , لكني رغبت بتهنأتكم جميعاً بهذه المناسبة السعيدة , عيد الاضحى المُبارك .. كُل عام و أنتم بخير و تقبل الله منا و منكم صالح الأعمال ..

الله يتقبل من الحجاج حجهم و يرد لكم احبتكم سالمين !

من الاشياءات اللي صارت في الايام اللي فاتت , هو أجتماع الشباب في أحد الإستراحات ( في حي السلي ) وعلى طاري الاجتماع للأسف الشباب مطلعين عني إشاعة بأني كنت على الصامت ( الله يسامحك يا فهد ) < أي واحد فيهم ؟ حتى إن أحمد لما قال لي الكلام حسيت أنهم من جد بالغوا في الوصف

نسيتوا الهواش اللي صار بيني و بين زياد ؟ بالله كيف واحد على الصامت و يهاوش ؟

ثم انهم  يقولون عني بأني راعي قرق < بالله تمقلوا فيني أنا وجهي وجه واحد راعي قرق

كمان تعالوا .. شلون راعي قرق و ع الصامت

اعترفوا أنكم أكبر كذابين على هذه الارض

أنتم يا أيها الذين مانيب قايل , تباً لكم

, وه بس ياحبي لكم .. قسم إني أحمد الله على صداقتكم ( ابتلشوا فيك و انت الصادق ) , سامحونا عاد لأننا ماحضرنا الاجتماع و معوضة إن شاء الله

و تكفوووون مرة ثانية حددوا موعد بدري , عاد انتوا بكيفكم إن ماحضرت انتوا الخسرانين , أنا أقرب مراية و تنتهي الازمة < بايخة أدري < بس هذي اللي بايخة ؟

المهم هارد لك خسر الاتحاد .. كااااااااااااااك .. فاتكم و الله أسامة من جد زعل لأن الاتحاد خسر < و أنت مستانس , عاد أنا مدري ليش الناس يتحمسون للمباريات و توصل لدرجة إذا فاز يسووا احتفال و إذا خسـر وشسموه < على حسب الاخلاق يعني  ,

هذا مرة كنت مع احد المتعصبين ( الاتحاديين ) عاد أنا دوم أدعي للفريق المنافس < ثقالة دم يعني , ثم أنني صرت أدعي ان الاتحاد يخسر

ياناس من جد لا تمزحون مع المتعصبين , الحمد لله أني مانمت في الشارع

بس تدرون وش رايكم باللي صار في السودان , ما أقول إلا وجع < أخص يا قوي أنت ,

أي بالله أني صادق , عندكم أقرب مقطع يوتويوب وتشوفون الفضيحة العربية يعني معليش لكن اللي صار يدل على أننا ” بزران ” من جد!

( بزران : هو ذلك الكائن الحي الذي لم يصل إلى طور البلوغ .. يعني بزر <ِ أقول أطلع برا )

يعني بالله عشان ” مافزناش في المباراة المنيلة دي ” أقلبها قلة أدب و أحتقار لحياة الآخرين , و أخبط و أكسر تقول مخلوقات همجية ..

عشان ايش .. لأن إحنا دايم نفوز و ما فزنا المرة هذي , بالله وش نوع العقول اللي تفكر كذا ..

ما نقول إلا الحمد لله على العافية , آخ بس لو اني حاكم العالم كان الخيزرانة اشتغلت و منعت الكورة و تأديب لكل المخربين ..

< مدرسة ؟

بس من جد, هذا اللي انا اشوفه أبطل حل لهذه الأزمة .. عاد الله يعيننا على زحمة الطريق إذا رجعنا للدوامات

و الله أني أحبك يا الرياض , بس من جد أحس أنك بتخليني أجيب العيد في التأخر الصباحي

يلا الحين أستأذن , لأن أحس اني زودتها حبيتين ..أدري أنكم قرفانين مني و أني مصدق نفسي دمي خفيف .. بس معليش تحملوني

يلا .. كل عام و أنتوا بخير , و شسموه .. في أمان الله

سوري على المصالة