قلة أدب من جد , و الله ان بعض الناس ودك تعزمهم على الغداء و تحط لهم السفرة في السطح .. ثم وهم ياكلون تقفل الباب و ترمية من تحته و ثم تقول لهم ان الباب تقفل و المفتاح راح , مايكون لهم إلا حلين .. الانتحار برمي انفسهم من السطح أو الجلوس في السطح إلى موعد وفاتهم

[ حيجي واحد ذكي ويقول يتصلون بجوالاتهم .. أقول له أنك حتكون أذكى منهم بالطبع وتمنع الدخول بالجوالات بحجة التصوير بالكاميرا أو أن عندك ضيوف يعانوا من فوبيا الجوالات < يعني سلكها أهم شي مايدخلوا بجوالاتهم ]

بس من جد بعض الناس قليلين أدب , ياخي تخيل .. تحط موضوع طويل عريض وربما يصل لمرحلة ” يستحق التثبيت ” و سحب نسخة منه الى المواضيع التي لم يوجد مثلها أبداً < لا تصير خيالي عاد

ثم يجي واحد بثر مدري ماصل مدري سامج و يرد بكل تفلسف و يلون لك بعض الكلمات و يقول ان عندك أخطاء إملائية و يكتب من هالعبارات ” انقذوا العربية ” أو ” العربية تختنق ” و يمكن يشطح و يقول ” قاتل الله العجم و من أعطاهم حق التسجيل ”

[ ]
يع .. شها الاشكال البايخة التي لا تدري ماذا تُريد من الأرض ؟ بالله وش ردك للي زي كذا ؟؟ طيب أنا ماقلت عن نفسي إنّي ابن سينا أو بيل غيتس عشان تمسك لي ع الطالعة و النازلة و المايلة برضو , شي طبيعي ان حتلقا اخطاء لغوية و املائية و ربما تلقا كلام لم يقرأ مثله أبداً
يعني إختراع جديد

و أنا صادق .. و الله ان بعض الناس عباقرة بشكل لا يمكن احتماله !!

أنا اللي اشوفه انهم يفتحون قسم يمارسوا فيه هذا الشيء اللي يحسون فيه , يعني يفتحون قسم و يحطوا فيه دروس عن الاخطاء اللغوية و الاملائية براحتهم .. حتى لو يسجلون بعضويات و يغلطون بأنفسهم و يردون على حالهم

أهم شي يبطلوا هذا الطبع اللي انا لا احبه < أجل الذي لا تحبه

لأن من جد شي ينرفز , طيب .. أوكي < , لما نكون في قسم يحتمل ذا الشي زي مثلاً الأقسام الادبية .. هنا يكون الأمر مختلف و لاغبار و لا عج عليه !! لكن مثلاً أنا أكتب باليوميات من زود السطالة / قلة النوم / مستعجل ودي الحق الغدا الخ .. و أكتب [ صبح الخر ] بدلاً من [ صباح الخير ] و يجي الأخ / الأخت < تدرون نخاطب جميع الجنسيات < برا

و يكتب

الأصح أن تقول ” صباح الخير ” لأن في الصباح تشرق الشمس و تزقزق العصافير و يروح العصفور الابو يدور على الأكل و الأم العصفورة تكنس العش < تخيلوا شكلها وهي تكنس

فكان من الأجدر انك تكتب ” صباح الخير ” و إلا أقول لك بلاش تكتب في المنتديات لأن امثالك يجيبون لي الإسهال من كثر الأخطاء , صرت أشعر بالسخف كلما دخلت على مواضيعك التي لو قرأها طفل لا يعرف القراءة ل رفع عليك قضية .. الى آخر هذا الهواش

من جد اللي زي كذا موجودين , و من جد تنرفزني ردودهم .. أنا مرة و انا اقرا في موضوع نقاشي .. جد وحدة و تحط رد بما معناه ” ياليت لو تتكلمون بالفصحى ” , أعذريني يا أختاه لما أريد قوله لكِ ” وش دخلك ” إن شاء الله يتكلموا تُركي < ياقدمك الناس طفشوا منها

يعني بدال ما تشاركين بالنقاش تجي و تتفلسف , بعض الناس ماعنده خاصية ” متى اتكلم بما أريد أن أتكلم ” < يرحم والديك أنت وخاصياتك

المُراد من هذا القرق ,

1 بالله اللي زي كذا يتعالج و إلا لا يشارك في المنتديات
2 نسوي حملة و نسميها ” خلوهم يعقلون ”
3 اعتذر من الجميع إن صار شي و إلا ماشيات لأن هالشي يقربع في داخي من زمان
4 هدى الله الجميع و كل عام و انتم بخير ..
5 ارعصوا على اسم ابن سيناء و بيل غيتس و ستجدون مفاجئة < الحركة قديمة و فرحان فيها

مَخرج

معليش أحس ان الكلام مخربط و يوجع العين , بس زي ماتدرون المدونة جديدة و محدثكم إلى الحين بيتعلم عليها

< يعني اللي يبي يلطشها ترا الدرب سهل

عذراً للمصالة و في امان الله